كلمات ماله وصف مشينه مكتوبه الرادود علاء التميمي الشاعر محمد الزيدي
صوت مكتوب
تعليق
كلمات ماله وصف مشينة مكتوبة
الرادود علاء التميمي
كلمات الشاعر محمد الزيدي
- قافلة احزان الرباب (ع) المشاية المقدسة
- شهر صفر :: 2021-1443
- ~~~~~~~~~
- قصيدة : هلا بالمشاية
- الرادود : علاء التميمي
- الذاكر : حسنين البهادلي
- كلمات : محمد الزيدي
- ~~~~~~~~~
- كتابة القصيدة : موقع صوت مكتوب
- تصوير : أعلام القافلة
- م . صوت : محمد الجواد
- مونتاج : علي دزاين
~~~~~
بالدنية الله خالق سبعة عجايب
مشاية اربعينك ثامن عجيبة
~~~~~
ماله وصف مشينه .. كربله تحدي بينه
والكلب اعله ناره
كلشي تركنه كلشي .. الله رزقنه نمشي
للنحر وسماره
ماله عشكنه غايه .. كلمن اخذله رايه
وعتنه للزيارة
كربلة كربلة .. شوك وضمة وسفر
كربلة كربلة .. مشاية للنحر
اذنت نينوى .. صلينه بالدرب
والعشك يا عشك .. فوك الشمس عبر
للحب رسم دربنه اجمل مراسم
حبنه اعله فطره صاير مو حب مواسم
ماكو احله منه دربك ينكط مواقف
خادم اذا يطيح ايتجيله خادم
هله بزلام الحسين . هله بالمشاية
~~~~~
خدمته عدنه واجب .. يا هله بالمواكب
يا هله بالمجالس
ما كو تعب يجيهه .. زوارة من مشيهه
صفنت النوارس
كلمن اجه ابهيامه .. والله زلم نشامه
صلى عليه عابس
بالدرب بالدرب .. زلم الوفه انجفوا
بالدرب بالدرب .. شالو علم واجوا
يا هله بالزلم .. الماتعرف التعب
الارض والسمه .. تنهز اذا مشوا
موج الحزن يسطر اعظم مصيبة
تمشي الوطن عشكة الناس الغريبة
بالدنية الله خالق سبعة عجايب
مشاية اربعينك ثامن عجيبة
هله بزلام الحسين . هله بالمشايه
~~~~~
انجوت الضماير .. اذنت المنابر
كبرت الجوامع
مشوا لبو رقية .. كلهم اهل حميه
ونملت الشوارع
خدمة ولا مثله .. والنعم من اهله
كصدوا اله ابمدامع
معجزة معجزة .. كلهم وفه وشيم
معجزة معجزة .. لو شالوا العلم
للعشك من مشوا .. ضك بيهم الهوى
حيرت كربلة .. اعزوبية الخدم
اعزوبية ماكو منه ولا منه صاير
شكد عنده حظ يناس اليخدمله زاير
حاتم يسد مضيفة وبنيله موكب
لو شايف الزيارة ايضل بيه حاير
هله بزلام الحسين . هله بالمشايه
~~~~~
فاطمة حزمتهم .. لحضة ولا نستهم
فيهه كسر عليهم
تمشي وكلبه ضامي .. وسجلت الاسامي
وكيفت ابمشيهم
جنة تلم شملهم .. الله خلقه الهم
كلشي جعل بديهم
فاطمة فاطمة .. من شافت الجمع
فاطمة فاطمة .. رد سلم الضلع
هوست بالعلم .. واتشكت السمه
وصيحيت يا هله .. ابشراية الدمع
ام الحسن خدمة اليمشي الكمرهه
ودلل اليزورة وتطيه عمرهه
هنياله زاير الله اتعزي الزجية
ما يمشي لهله خالي كلمن يمرهه
هله بزلام الحسين . هله بالمشاية
